Алтынньы 18 күнүгэр Илья Иванович Артамонов аатынан Найахы сынньалаҥ киинигэр Кыайыы 80 сылынан, Найахы народнай хорун төрүттээччи, хормейстер, Саха АССР култууратын үтүөлээх үлэһитэ, Үлэ Кыһыл Знамя орденын кавалера Семен Гаврильевич Васильев төрөөбүтэ 95 сылынан «Саҥа сардаҥа» оҕолорго улуустааҕы биирдиилээн ырыаны толорууга күрэххэ уопсайа 18 оҕо кыттыыны ыллылар.
Балаһыанньа ирдэбилинэн оҕолор бастакы түһүмэххэ байыаннай-патриотическая, иккис түһүмэххэ көҥүл тиэмэҕэ ыллаан күөн көрүстүлэр.
Ырыа күрэҕин түмүгүнэн
кыайыыны ылары ситистэ Кэптэни нэһилиэгиттэн Дамир Прядезников, салайааччыта Харитонова Ангела Романовна. 3 истиэпэннээх дипломнарынан Сайыына Соловьева (Найахы), Айтал Жирков (Уһун- Күөл), Элла Протопопова (Найахы),
2 истиэпэннээх дипломнарынан Григорий Бурнашев (Кэптэни), Аделя Акакиева (Найахы), Афанасьев Эрчим (Уһун-Күөл),
1 истиэпэннээх дипломнарынан Дорофеева Дамира (Дүпсүн), Кычкин Эрсан (Кэптэни), Кривошапкина Кристина (Найахы) наҕараадаланнылар.
3 истиэпэннээх лауереат аатын ыллылар Найахыттан Фомин Эрхаан, Фомина Уйгулаана, 2 истиэпэннээх лауреаттар Сайнаара Барашкова (Найахы), Акакиев Арсентий (Найахы), Олесов Айастаан (Кэптэни),
1 истиэпэннээх лауреат үрдүк аатын ыллылар Найахыттан Айсулу Музофарова, Исаков Артемий, Кэптэниттэн Олесов Марк.
Ырыа кэрэ эйгэтигэр оҕолору уһуйан, үөрэтэр салайааччыларга Уһун-Күөлтэн Никитин Андрей Гаврильевичка, Кэптэни лицей-интернат музыка учууталыгар Харитонова Ангела Романовна, Дүпсүн орто оскуолатын музыка учууталыгар Наталья Григорьевна Бочкарева, Найахы орто оскуолатын музыка учууталыгар Аргунова Светлана Алексеевна, Найахытааҕы «Чэчир» уһуйаан музыкаҕа иитээччитигэр Арсентьева Лариса Константиновна, Найахы сынньалаҥ киини специалиһыгар Новоприезжай Афанасий Васильевичка уонна бары төрөппүттэргэ тэрийээччилэр ааттарыттан барҕа махталбытын тиэрдэбит.
Өссө да оҕону кэрэҕэ, сырдыкка угуйа, ыллыыр дьоҕурдарын салгыы сайыннара, кэрэни кэрэхсии тураргытыгар.
Саҥа сардаҥа салгыы сайыннын!
