Кулун тутар 12 күнүгэр Нам улууһугар А.Ф. Шестаков аатынан норуот айымньытын дьиэтигэр бастакынан ыытыллар «Куйаар хомус» аһаҕас өрөспүүбүлүкэтээҕи хомусчуттар күрэхтэригэр Найахы сынньалаҥ киинин иһинэн тэриллибит «Дьүрүскэн» бөлөх 2 истиэпэннээх лауреат аатын ылан үрдүк ситиһиилэннилэр.
Бөлөх маннык улахан таһымнаах хомусчуттар күрэхтэригэр аан маҥнай кыттыылара буолар. Салайааччылар Гаврильева А.С., Готовцева Л.Г.
Күрэхтэһии сүрүн тэрийээччитинэн З.П.Винокуров аатынан Намнааҕы оҕо ускуустубатын оскуолата.
Күрэххэ уопсайа 74 сайаапканан 174 кыттааччы күөн көрүстүлэр, түөрт категориянан ыытылынна. Кыра оҕолор, орто бөлөх, 18 тан үөһэ саастаах улахан дьон саҥа саҕалааччылар, 18 тан үөһэ улахан дьон идэтийбит хомусчуттар.
Хомусчуттары дьүүллээтилэр Дьокуускайтан аатырбыт импровизатор-виртуоз хомусчуттар, Айсен Деллохов, Надежда Варламова-Надикан, СР култууратын туйгуннара, ипровизатор -хомусчуттар Матрена Платонова, Мария Аргунова, Сахаайа Колодезникова.
