Ороһооспо күнүгэр көрдөөх уолаттар көрөөччүнү сэргэхситтилэр.
Илья Иванович Артамонов аатынан Найахы сынньалаҥ киинигэр тохсунньу 7 күнүгэр Ороһооспо күн үгэскэ кубулуйбут ыччаттар кэнсиэрдэрэ бэрт сэргэхтик, уратытык ыытылынна.
Найахыбыт эдэр ыччаттара, студеннара «Көрдөөх уолаттар» шоу кэнсиэри көрдөрүнэн -нардарынан, дьээбэлэринэн, сэргэх үҥкүүлэринэн, ырыаларынан саҕаланыаҕыттан бүтүөр диэри көрөөччүнү сэргэхситтилэр.
Аныгылыы көрүүлээх миниатюралары барытыгар бары талааннаах уолбут Арсен Кривошапкин сүрүн туруорааччынан бэлэмнээтэ.
Уолаттар Ганя Местников, Аркадий Ушницкай, Чаҕыл Голиков, Арсен Арсентьев, Илья Гуляев, Арсен Кривошапкин дьээбэлэринэн, туттан-хаптан , саҥаран иҥэрэн дьону сөхтөрдүлэр.
Уолаттар талааннарын ситэрэн биэрэн «Көлүкэчээн» оҕо үҥкүү ансаамбылыгар уһуйуллубут кыргыттар бэрт сэргэхтик уолаттары кытта бөлөҕүнэн үҥкүүлээн кэнсиэри киэргэттилэр.
Үҥкүүлэри Аина Алексеева, Гаврильева А.В. бэлэмнээн туруордулар.
Уолаттар кер-нар ,үҥкүү таһынан ансаамбылынан, биирдиилээн ыллаан ытыс дохсун тыаһын ыллылар. Сөптөөх тэтимнээх ырыалары уолаттарга бэлэмнээтэ Новоприезжая А.А.
Эдэр талааннаах кэскиллээх ырыаһыттарбыт Ваня Фомин «Сайылыгым» истиҥ ырыатынан, Марат Дьячковксай гитара нарын тыаһынан доҕуһуоллатан «Доҕорбор» , Тая Рожина «Чэмэлиинэ» , Афанасий Новоприезжай ис хоһоонноох истиҥ ырыатынан хас биирдии көрөөччүнү астыннардылар.
Кэнсиэри иилээн-саҕалаан, саҥаран-иҥэрэн үрдүк таһымҥа ыыттылар Тая Рожина, Марат Дьячкоскай.
Кэнсиэри туруорда, бэлэмнээтэ Гаврильева А.С.
Эдэр ыччаттартарбытыгар өссө да хаһан да умнуллубат кэнсиэри бэлэхтээбиттэригэр махтанабыт, инникитин хас биирдиилэригэр үөрэхтэригэр ситиһиилэри, талааннара хаһан да самныбатын, олоххо тардыһыылара , дойдуга тапталлара өссө үрдээн төрөөбүт Найахыларын куруук ааттата сырыттыннар.
