Кулун тутар 11 күнүгэр
Аан дойду дьахталларын күннэринэн, саас маҥнайгы бырааһынньыгынан Найахыбыт бука бары кэрэ аҥардарын, ийэлэрбитин, кыргыттары нэһилиэк эр дьонун аатыттан истиҥник эҕэрдэлээн киэҥ көхсүлээх дурда-хахха буолар эр дьоннорбут сүрдээх үчүгэй, истиҥ, ураты бырааһынньыктааҕы ИС СҮРЭХТЭН эҕэрдэ кэнсиэри бэлэх ууннулар.
Кэнсиэри эдэр эрчимнээх , уоттаах-күөстээх уолаттарбыт Дьулустан Гаврильев,Петр Слепцов, Афанасий Новоприезжай иилээн-саҕалаан бэрт сэргэхтик ыыттылар.
Уопсайа 32 эр бэртэрэ , 8 ансаамбыл, талааннаах биирдиилээн ырыаьыттар араас истиҥ, сэргэх ырыаларынан көрөөччүлэри астыннардылар. Үтүө киэһэҕэ эр дьоннорбут кэрэ аҥардарга араас көрдөөх оонньуулары оонньотон , «Киэргэ» компанияттан үрүҥ, кыһыл көмүс бириистэри туттардылар, хас биирдиилэригэр сибэкки дьөрбөтүн бэлэх ууннулар.
Умнуллубат ис сүрэхтэн киэһэни бэлэхтээбит бар дьоммутугар — эр хоһууннарбытыгар улахан махтал буолуохтун! Өрүү маннык түмсүүлээх, сайдыылаах буолуҥ!
